શાહરુખ ખાનનો પુત્ર આર્યન ખાન મુંબઈના ક્રૂઝમાં ડ્રગ્સ સાથે પાર્ટી કરતાં પકડાયા બાદ એનસીબીએ આર્યન ખાન સામે ગુનો નોંધી તેની પૂછપરછ હાથ ધરી છે. તે રેડ દરમ્યાન આર્યનનો મોબાઇલ ફોન પણ પોલીસે કબજે કર્યો હતો.
તેમાંથી પોલીસને પાર્ટીની વિડિયો કલીપ અને પાર્ટી પહેલાં થયેલી વૉટ્સઅૅપ ચેટ મળી આવી હતી, જે મામલે એનસીબીએ ઊંડાણમાં તપાસ માટે આર્યન ખાનનો મોબાઇલ ફોન ગાંધીનગર ખાતે આવેલી લેબમાં મોકલવાની તૈયારી કરી છે અને એનસીબીની એક ટીમ આ મોબાઇલ લઈને મુંબઈથી ગાંધીનગર રવાના થઈ છે.
પોલીસને શંકા છે કે આર્યનના મોબાઇલ ફોનમાં અન્ય વિડિયો પણ છે, જેની તપાસ ફોરેન્સિક સાયન્સ લેબમાં કરવામાં આવશે. આ સિવાય આર્યનના ફોનમાં પાર્ટી શરૂ થતાં પહેલાં તેણે કોની-કોની સાથે વાતચીત કરી હતી તે અંગે ફોનના સીડીઆર તપાસવામાં આવશે અને પાર્ટી પહેલાં અને પાર્ટી દરમ્યાન ચેટિંગ અને મેસેજ પણ કરવામાં આવ્યા હતા તેનું પણ એનાલિસિસ કરવામાં આવશે.
(સૂત્રો માંથી પ્રાપ્ત માહિતી મુજબ)
(પ્રતિકાત્મક તસ્વીર)
#Aryan Khan Drugs case: Gandhinagar Forensic Science Lab to test mobile phones
