Gujarat: Vijay Rupani resigns as Chief Minister
Aastha Magazine
Gujarat: Vijay Rupani resigns as Chief Minister
રાજકારણ

ગુજરાત : વિજય રૂપાણીએ મુખ્યમંત્રી પદ પરથી રાજીનામુ આપ્યુ

ગુજરાતના મુખ્યમંત્રી વિજય રૂપાણીએ પદ પરથી રાજીનામું આપ્યું છે. ગુજરાતમાં આગામી વર્ષે ડિસેમ્બરમાં ચૂંટણી યોજાવાની છે. નવા મુખ્યમંત્રીની રેસમાં મનસુખ માંડવિયા, નીતિન પટેલ, સી.આર.પટેલ, પુરુષોત્તમ રૂપાલાના નામ આગળ છે.

વિજય રૂપાણીએ શનિવારે રાજ્યપાલ આચાર્ય દેવવ્રતને પોતાનું રાજીનામું સોંપ્યું. રાજીનામું આપ્યા બાદ તેમણે કહ્યું કે હવે હું પાર્ટીએ આપેલી જવાબદારી નિભાવીશ. તેમણે પીએમ મોદીનો લોકોની સેવા કરવા બદલ આભાર માન્યો. રૂપાણીએ કહ્યું કે મને એક કાર્યકરથી સીએમ બનાવવામાં આવ્યો છે. હવે ગુજરાતનો વિકાસ નવા નેતૃત્વમાં થવો જોઈએ.

પાર્ટી સંગઠન સાથે ચાલી રહ્યો હતો વિવાદ
રાજીનામું આપતાં વિજય રૂપાણીએ કહ્યું કે ભાજપની પરંપરા રહી છે કે કાર્યકર્તાઓની જવાબદારીઓ બદલાતી રહે છે. પરંતુ એવી ચર્ચા છે કે લોકો વિજય રૂપાણીના નેતૃત્વથી ખુશ નથી. જનતાનો અભિપ્રાય જાણ્યા બાદ હાઈકમાન્ડે આ નિર્ણય લીધો હતો. તે મુજબ વિજય રૂપાણીએ રાજીનામું આપ્યું છે. રાજીનામું આપ્યા બાદ રૂપાણીએ મીડિયા સાથેની વાતચીતમાં આ માહિતી આપી હતી. એવી પણ ચર્ચા છે કે રૂપાણીનો પક્ષ સંગઠન સાથે અણબનાવ હતો. ખાસ કરીને ભાજપના પ્રદેશ પ્રમુખ સાથેના તેમના મતભેદો સામે આવી રહ્યા હતા.

સીએમ તરીકે ઓગસ્ટમાં પુરા થયા હતા 5 વર્ષ
ઉત્તરાખંડ અને કર્ણાટકમાં ભાજપે આ જ રીતે ચૂંટણી પહેલા મુખ્યમંત્રીઓ બદલ્યા છે. ગુજરાતમાં થયેલુ પરિવર્તન આ દિશામાં સિક્વલ લાગી રહી છે. ગયા મહિને જ વિજય રૂપાણીએ મુખ્યમંત્રી તરીકે પાંચ વર્ષ પૂર્ણ કર્યા. વર્ષ 2016 માં તત્કાલીન મુખ્યમંત્રી આનંદીબેન પટેલે રાજીનામું આપ્યું હતું, તેમના સ્થાને વિજય રૂપાણી 7 ઓગસ્ટ 2016 ના રોજ મુખ્યમંત્રી બન્યા હતા.

(સૂત્રો માંથી પ્રાપ્ત માહિતી મુજબ)
(પ્રતિકાત્મક તસ્વીર)

Related posts

જય શ્રીરામ નથી બોલતા તેમના ડીએનએ પર મને શંકા : યોગી

aasthamagazine

મમતા બેનર્જીની પાર્ટી ગુજરાતમાં થશે સક્રિય ?

aasthamagazine

ધારાસભ્ય દળની બેઠક : 2 વાગ્યા સુધી કમલમ પહોંચવા સૂચના

aasthamagazine

રાજકોટ : ભાજપનું સંગઠન મજબૂત છે, રૂપાણી સ્ટાર પ્રચારક જ રહેશેઃ પાટીલ

aasthamagazine

ઇવનિંગ ન્યૂઝ – આસ્થા મેગઝીન ન્યૂઝ Dt : 19/02/2022

aasthamagazine

ભાજપ નેતૃત્વે ફરી એક વખત ચૌકાવનારો નિર્ણય લઈ ભૂપેન્દ્ર પટેલને ગુજરાતમાં મુખ્યમંત્રી તરીકે ચૂંટ્યા

aasthamagazine

Leave a Comment