સમગ્ર રાજ્યમાં ધીમી ધારે વરસાદ શરૂ થયો છે, જેના કારણે લોકોને ગરમી અને ભેજમાંથી રાહત મળી છે. ઉલ્લેખનીય છે કે, રાજ્યમાં મંગળવારથી વરસાદ પડી રહ્યો છે. હવામાન વિભાગે વરસાદની આગાહી પણ કરી હતી. IMDના લેટેસ્ટ અપડેટ મુજબ આગામી બે કલાકમાં ભારે વરસાદની સંભાવના છે. હવામાન વિભાગના જણાવ્યા અનુસાર ગુજરાતમાં આગામી ત્રણ-ચાર દિવસ સુધી વરસાદ ચાલુ રહેશે.વલસાડ જીલ્લાના ઉમરગામ તાલુકામાં માત્ર આઠ કલાકમાં 12 ઈંચ વરસાદ વરસ્યો હતો. આ સાથે આગામી ચાર દિવસ સુધી દક્ષિણ ગુજરાતના નવસારી, વલસાડ,સુરત, દમણ અને દાદરાનગર હવેલી, ડાંગ, તાપી, ભરૂચ તેમજ સૌરાષ્ટ્રમાં ગીર સોમનાથ, દીવ, ભાવનગર, અમરેલી અને ઉત્તર ગુજરાતમાં પાટણ, મહેસાણા,બનાસકાંઠા, સાબરકાંઠા, અરવલ્લી સાથે મધ્ય ગુજરાતના અમદાવાદ, ગાંધીનગર, ખેડા, નર્મદામાં ભારેથી અતિભારે વરસાદ પડશે તેવી આગાહી હવામાન વિભાગ દ્વારાકરવામાં આવી છે.
(સૂત્રો માંથી પ્રાપ્ત માહિતી મુજબ)
(પ્રતિકાત્મક તસ્વીર)
