જન્માષ્ટમી અને સાતમ-આઠમના તહેવારોને લઈ સૌરાષ્ટ્ર તરફ જતી ખાનગી બસો અને એસટી બસોમાં મુસાફરોનો ઘસારો જોવા મળી રહ્યો છે. રાજકોટ, પોરંબદર, દ્વારાકા, સોમનાથ, જામનગર અને જુનાગઢ તરફ મોટી સંખ્યામાં લોકો મુસાફરી કરી રહ્યાં છે. મુસાફરોની ભીડને લઈ ખાનગી બસો તેમજ એસટી બસોએ એકસ્ટ્રા બસો મુકવાની જરૂર પડી છે.
લોકોની ભીડને જોતા ખાનગી બસોએ પોતાના ભાડામાં વધારો કરી દીધો છે. ખાનગી બસોના ભાડાની જો વાત કરીએ તો, રાજકોટનું બસ ભાડું 600 રૂપિયા, પોરબંદરનું ભાડું 800થી 1000 રૂપિયા, સોમનાથ અને દ્વારકાનું બસ ભાડું 1000થી 1200 અને જામનગર અને જૂનાગઢનું ભાડું 800થી 1000 રૂપિયા સુધી ખાનગી ટ્રાવેલ્સ દ્વારા વસુલવામાં આવે છે. અમદાવાદ સરખેજ ઉજાલા ચોકડી પાસે મુસાફરો એકઠા થતા મેળા જેવો માહોલ જોવા મળી રહ્યો છે.
(સૂત્રો માંથી પ્રાપ્ત માહિતી મુજબ)
(પ્રતિકાત્મક તસ્વીર)
Private buses have increased fares over the festivals
