હવાઈ મુસાફરી મોંઘી થવા જઈ રહી છે. ઘરેલુ હવાઈ મુસાફરી માટે લોકોએ વધારે ચાર્જ ચુકવવો પડશે.નાગરિક ઉડ્ડયન મંત્રાલય દ્વારા હવાઈ મુસાફરીના ભાડામાં 12.5 ટકા સુધીનો વધારો કરવાનો નિર્ણય લેવાયો છે. જે આજથી લાગુ થશે. એર ટિકિટની મિનિમમ અને મેક્સિમમ એમ બંને કિંમતોમાં આ વધારો લાગુ પડશે.
સરકારે દેશમાં તમામ એરલાઈન્સની ફ્લાઈટની સંખ્યામાં 7.5 ટકાનો વધારો કરવાની પણ મંજૂરી આપી છે. જ્યારે ફ્લાઈટમાં કુલ બેઠકોની સામે 65 ટકાની જગ્યાએ હવે 72.5 ટકા મુસાફરોને બેસાડવા માટે મંજૂરી આપવામાં આવી છે.કોરોનાના કારણે હવાઈ મુસાફરી કરનારાઓની સંખ્યા ઓછી થઈ હતી.હવે સરકારે ભાડુ વધારવાનો નિર્ણય કર્યો હોવાથી એરલાઈન કંપનીઓને રાહત મળશે 21 જુને પણ કેન્દ્ર સરકારે ડોમેસ્ટિક ફ્લાઈટની ટિકિટોના ભાડામાં 15 ટકા સુધીનો વધારો કર્યો હતો.
(સૂત્રો માંથી પ્રાપ્ત માહિતી મુજબ)
(પ્રતિકાત્મક તસ્વીર)
