ગુજરાત હાઇકોર્ટમાં પણ ફિઝિકલ હિયરિંગ 17 ઓગસ્ટથી શરૂ થશે. જેમાં તમામ લોકોએ કોર્ટ પરિસરમાં SOPનું પાલન કરવું પડશે.ગુજરાત હાઇકોર્ટમાં જ્યારથી લોકડાઉન જાહેર કરવામાં આવ્યું ત્યારથી લઈને અત્યાર સુધી કોર્ટમાં વર્ચ્યુઅલ હિયરિંગ ચાલી રહ્યું છે, જેમાં પહેલા હાઇકોર્ટના ચીફ જસ્ટિસની કોર્ટનું વર્ચ્યુઅલ હિયરિંગનું યુટ્યુબ પર જીવત પ્રસારણ થઈ રહ્યું હતું. જેમાં મહત્વના કેસ ને ચલાવવામાં આવતા હતા. સાથે આ દરમિયાન હાઇકોર્ટ કરેલી સુઓમોટોની અરજીનું પણ લાઈવ હિયરિંગ તમામ લોકો કોરોના કાળ દરમિયાન જીવત પ્રસારણ યુ-ટ્યુબ પર નિહાળ્યાયું હતું. જોકે આ કોર્ટમાં લાંબો સમય ફિઝિકલ હિયરિંગ બંધ રહેવાથી મોટાભાગના વકીલોની હાલત કફોડી બની હતી. જોકે સામે કોરોનાની બીજી લહેર પણ ભયાવહ સાબિત થતાં હાઇકોર્ટે પણ ફિઝિકલ હિયરિંગ શરૂ થાય તે માટે ઉતાવળ કરી ન હતી.
