પાકિસ્તાનથી પ્રોત્સાહિત આતંકવાદ કાશ્મીરમાં આધુનિક ટેકનોલોજીનો ઉપયોગ કરી રહ્યા હોવાનો ખુલાસો થયો છે. આતંકીઓ આધુનિક ટેકનોલોજીનો ઉપયોગ કરી આતંકી પ્રવૃત્તિઓ વધારવાનો સતત પ્રયત્ન કરી રહ્યા છે. આતંકીઓ તરફથી યુવાનાને ભરતી કરવા માટે હવે ઓનલાઇન તાલીમ આપવામાં આવી રહી છે.હાલમાં ઝડપાયેલા આતંકીની પૂછપરછ દરમિયાન આ વાતનો ખુલાસો થયો હતો. જેમાં આતંકીઓના મુખિયાઓ તરફથી આતંક ફેલાવાની ઓનલાઇન તાલીમ આપવાનું સામે આવ્યું છે. આ કારણે તેઓ સુરક્ષા દળો માટે પણ પડકાર સાબિત થઇ રહ્યા છે કારણ કે સુરક્ષા દળોની પકડથી દૂર રહીને તેઓ યુવાનોને આતંકવાદમાં ભરતી કરી રહ્યા છે.અનંતનાગ પોલીસે લશ્કરના ચાર આતંકીઓની ધરપકડ કરી હતી. જે યુવાનોને આતંકવાદમાં ભરતી કરવા માટે ઓનલાઇન તાલીમ આપી રહ્યા હતા. તેમની પૂછપરછ દરમિયાન ખુલાસો થયો કે તેઓ આતંકીઓના કમાન્ડરોના સંપર્કમાં રહેતા અને તેમની પાસેથી મળેલી આતંકી તાલીમ યુવાનાને આપતાં. આતંકવાદમાં યુવાનોની ભરતી કરવા માટે સોશિયલ મીડિયા પ્લેટફોર્મનો પણ ઉપયોગ કરતાં હતા. જે પછી તેમને ઓનલાઇન તાલીમ આપવામાં આવતી હતી. આ દરમિયાન જે યુવાન આતંકી બનવા માંગતો એને કમાન્ડર સુધી પહોંચાડવામાં આવતો હતો.ભટકેલા યુવાનાને આતંકવાદમાં ભરતી કરવા માટે અનેક પ્રકારની લાલચ આપવામાં આવતી હતી. તેમની ઓનલાઇન ક્લાસ દરમિયાન ઘણીવાર આતંકીઓને પણ સામેલ કરવામાં આવતાં હતા. જેથી યુવાનોનો સીધો સંપર્ક થઇ શકતો. તેમની આ પ્રકારની વૃત્તિ યુવાનોને ફસાવામાં મદદ કરતી હતી.
