Aastha Magazine
ગીર રેન્જ વિસ્તારમાં સિંહોનાં શંકાસ્પદ બીમારીને કારણે મોત
ગુજરાત

અમરેલી જિલ્લામાં ગીર રેન્જ વિસ્તારમાં સિંહોનાં શંકાસ્પદ બીમારીને કારણે મોત

અમરેલી જિલ્લામાં ગીર રેન્જ અને બૃહદ ગીર રેન્જ વિસ્તારમાં સિંહોનાં શંકાસ્પદ બીમારીને કારણે મોત થયાંનું સામે આવતાં વન વિભાગમાં દોડધામ મચી રહી છે. જાફરાબાદ તાલુકામાં આવેલા માઇન્સ વિસ્તારમાં 5થી 9 વર્ષની સિંહણ બીમાર જોવા મળતાં વન વિભાગ દ્વારા એનું રેસ્ક્યૂ ઓપરેશન હાથ ધરાયું હતું. ત્યાર બાદ વન વિભાગે બાબરકોટમાં સારવાર અપાઇ હતી અને સારવાર દરમિયાના તેનું મોત થયું છે. વન વિભાગે પી.એમ કર્યું, પરંતુ બીમારીને કારણે મોત થયાનું સામે આવ્યુ છે.

ખાંભા-શેત્રુંજીમાં પણ છેલ્લા 15 દિવસમાં 4 સિંહનાં મોતના અહેવાલ છે. સિંહનાં મોતના અહેવાલથી વન વિભાગ દોડતો થયો છે. સિંહણનું પી.એમ કરનાર ડોકટર શેત્રુંજી ડિવિઝનના છે. તેમને પણ આ મુદ્દે ઉચ્ચ અધિકારીઓના આદેશથી મૌન સેવ્યું છે. જ્યારે ફરી બેબસિયા નામનો વાયરસ સક્રિય થયો હોવાની વાત સામે આવતાં ઉચ્ચ અધિકારીઓ આ મુદ્દે માત્ર તપાસ કરવાની પુષ્ટિ આપી રહ્યા છે. ખાંભા વિસ્તારમાં પણ સિંહોનાં મોત થઇ રહ્યાં છે. સમગ્ર વિસ્તારમાં સિંહોનાં મોતથી સિંહપ્રેમીઓ અને પર્યાવરણપ્રેમીઓ દ્વારા પણ ચિંતા વ્યક્ત કરાઇ છે. જાફરાબાદ રેન્જમાં 1 સિંહના મોત બાદ ઉચ્ચ અધિકારીઓએ તપાસના આદેશ આપ્યા છે. ફરી સિંહોની ચકાસણી કરવા માટે સૂચના આપી દેવાઇ છે. સિંહ બીમાર છે કે કેમ એની તમામ મૂવમેન્ટ ચકાસવા માટે સૂચના આપવામાં આવી છે. કયો વાયરસ છે એ ખૂલીને બોલવા વન વિભાગના અધિકારીઓ તૈયાર નથી. સમગ્ર ઘટનાને લઈ ભારે ચિંતા જોવા મળી રહી છે. ડોકટર દ્વારા જાફરાબાદ બાબરકોટ એનિમલ કેર સેન્ટર ખાતે સિંહનું સારવાર દરમિયાન મોત થયું એ સિંહનું પી.એમ કરાયું છે અને બીમારી સામે આવી છે.

Related posts

સૌરાષ્ટ્રમા ફરીવાર માવઠાની આગાહી : ઠંડી વધશે

aasthamagazine

ગુજરાતમાં ચોમાસાએ વિદાય લીધી છે : સરેરાશ 95.09 ટકા વરસાદ

aasthamagazine

વિધાનસભામાં ચોમાસું સત્ર : 1 વર્ષમાં સીંગતેલ રૂ.18 અને કપાસિયા તેલમાં રૂ.32નો ભાવ વધારો થયો

aasthamagazine

ગુજરાત શિક્ષણ વિભાગમાં બદલી, વર્ગ-2ના 168 શિક્ષણ નિરીક્ષક સહિત આચાર્યો બદલાયા

aasthamagazine

ગુજરાત : 15 જુલાઇ બાદ પડી શકે છે વરસાદ

aasthamagazine

રાજ્યના કેટલાક વિસ્તારોમાં વરસાદી છાંટાથી લઇને ઝાપટાંની શક્યતા

aasthamagazine

Leave a Comment